-
-
پاکستان میں تیل اور گیس کے نئے ذخائر کی دریافت کیلئے طلب کی گئی بولیاں کھول دی گئیں۔ ذخائر کی تلاش کے لئے 2 کروڑ ڈالر سے زائد کی سرمایہ کاری ہوگی۔
جیو نیوز کی رپورٹ کے مطابق پیٹرولیم ڈویژن کے اعلامیے کے مطابق 10 بلاکس سے تیل و گیس کی تلاش کے لیے بولیاں طلب کی گئی تھیں جو ڈائریکٹوریٹ جنرل پیٹرولیم کنسیشنز نے طلب کی تھیں۔
اعلامیے کے مطابق مجموعی طور پر آن شور 6 بلاکس کے لیے بولیاں موصول ہوئیں، 3 سال میں خشکی والے بلاکس میں ابتدائی طور پر 2 کروڑ 32 لاکھ ڈالرز کی سرمایہ کاری ہو گی۔
اعلامیے میں بتایا گیا ہے کہ ہر کمپنی متعلقہ بلاک کے علاقے میں سماجی سرگرمیوں پر سالانہ 5 لاکھ 40 ہزار ڈالر خرچ کرے گی۔
